समुद्र हुँदै पानी, कता जान्छ कता जान्छ ।
मान्छेको यो जवानी, कता जान्छ कता जान्छ ।
कस्ले देख्यो र आत्मा, छोडेर यो शरिर
भएपछी खरानी, कता जान्छ कता जान्छ ।
काडाहरु सँगै सँगै, फूलहरु राखि दिँदा
छिल्लिएर आँखानी, कता जान्छ कता जान्छ ।
जनताको समस्या, प्रतिनिधी हुँदै हुँदै
पुगेर राजधानी, कता जान्छ कता जान्छ ।
दुई चार पेग जब, लगाइसबेपछी त
भएभरका पिडानी, कता जान्छ कता जान्छ ।
मुस्काएर तिमी जब, मेरो सामु आएपछी
पुरै परिसानी, कता जान्छ कता जान्छ ।
राम शरण श्रेष्ठ
चिसापानी ६, रामेछाप 7th Nov-2013
Post a Comment